List #4809
Ioannes DANTISCUS do Ermland (Warmia) ChapterGuttstadt (Dobre Miasto), 1540-04-10
Regest polski:
Dantyszek, przychylając się do prośby Georga Donnera, wzywa kapitułę warmińską do wprowadzenia tegoż we własność kanonikatu i prebendy wraz z głosem i miejscem w kapitularzu i w chórze oraz pełnią praw kanonika na podstawie nominacji apostolskiej na rzecz Olafa Gota [Magnusa].
Rękopiśmienne podstawy źródłowe:
| ||||
Tekst + aparat krytyczny + komentarz Zwykły tekst Tekst + komentarz Tekst + aparat krytyczny
GStA PK, HBA, C 1a, K. 497, p. 2unnumbered
Venerabilibus Dominis, praelatis, canonicis et capitulo ecclesiae nostrae Varmiensis, fratribus sincere nobis dilectis
GStA PK, HBA, C 1a, K. 497, p. 1unnumbered
Ioannes Dei gratia episcopus Varmiensis
Venerabiles Domini, fratres sincere nobis dilecti.
Fuit hic apud nos venerabilis in Christo nobis dilectus dominus Georgius Donner, qui has reddidit, debita reverentia et humilitate supplicans se Fraternitatibus Vestris commendari ac praeterea orans ac postulans sibi dari possessionem in ecclesia nostra Varmiensi vigore iuris sui, hoc est nominationis apostolicae in personam Olaui Gothi. De quo nonnullis ex Fraternitatibus Vestris etiam constat et cui nos suffragium voti et vocis nostrae ferimus per praesentes.
Unde Fraternitates Vestras hortamur, ut dicto domino Georgio voto et assensu (ut praefertur) nostris accedentibus dent personalem et realem possessionem canonicatus et praebendae in ecclesia nostra dicta Varmiensi, voce et loco in capitulo ac stallo in choro cum plenitudine iuris canonici iuxta morem et consuetudinem eiusdem ecclesiae nostrae illi assignatis. Facturae rem nobis gratam ac aequitati consonam.
Beneque valeant Fraternitates Vestrae.
Ex Gutstadt, 10 Aprilis 1540.