Dem durchlauchten, hochgebornen fursten und herren, hern Albrechten, von Gots gnaden marggraffen zu Brandenburg, / in Preussen, / zu Stetin, Pomern, / der Cassuben und Wenden hertzogenn, / burggraffen zu Normberg und fursten zu Rugen, / unserm hochgunstigen, lieben hern und freunde

Durchlauchter, hochgeborner furst, hochgunstiger, lieber her und freundt. / Unser freuntliche und vleis willige dinste zuvoran. /

Wir haben nach inhalt Ewer Furstlichen Durchlaucht credentz brieff / den edlen, ernvhesten und hochgelerten hern Johan von Creitzen doctor und Ewer Furstlichen Durchlaucht cantzler und rath gerne bei uns gesehen und gehort, / und alles das jenige, so e...s von Ewer Furstlichen Durchlaucht wegen in den hendeln der [gr]entzen / angezeigt, / wol eingenommen. / Was wir im dorauff nach unserm einfeltigen vorstande rats weis, / des fast wenig bei uns ist, / geantwort / und Ewer Furstlichen Durchlaucht vorzubringen mitgeben, / wirt dieselbte solchs von im vorstehen, / welchs wir bitten, / und auch was etliche andere zufelle betrifft, Ewer Furstliche Durchlaucht in gunsten von uns wolde ufnehmen / und sich gen unns wie der hochgunstige her und freuntlicher nachpar beweisen / und halten, / dan Ewer Furstliche Durchlaucht (: der wir von Got dem almechtigen dis selige angeende / und vil nachvolgennder newejar / und alles, was seele unnd leib zu gut kommen mag, / hertzlich wunschenn und bitten :) freuntlich und mit sonderm vleis zudienen sein wir alweg bereit unnd erbottig. /

Datum Heilsperg, den XXIX Decembris M D XLII. /

Ioannes von Gots gnaden bischoff [zu] Ermelandt /

illustrissime Dominationi Vestrae deditissimus Ioannes episcopus Varmiensis manu propria subscripsit